Tuesday 26 June 2012

স্মৃতি শলিতা জ্বলাই তোমাক জীয়াই ৰাখিম মামনি বাইদেউ


=======================

মামনি বাইদেউ
নামটোৰ অন্তৰালত
অশেষ শ্রদ্ধা লুকাই আছে ,
হে মহিমাময়ী নাৰী
তোমাৰ চকুৰ ভাষাৰে
এই সাহিত্যই এক নতুন গতি পালে ।
তোমাক স্মৃতি হিচাপে
আদৰি লবলৈ মনতোৱে
বহুত কষ্ট পায় ,
ভুপেন দাৰ সৈতে যিখন অসমৰ সপোন তুমি দেখিচিলা ,
সেই সপোন বাস্তৱত ৰূপায়িত কৰিবলৈ
আজি সন্মিলিত হৈছে এখনি সমাজ
সেই সমাজত আজিও একেদৰেই সাহিত্য চর্চা হৈছে ।
আজি মই গৌৰব বোধ কৰো
এজন অসমীয়া হিচাপে ,
সাহিত্যজগতত এভুমুকি মাৰি
তোমাৰ নামৰ এগচি চাকি জ্বলাই
সেৱা জনালো...

================
বিকাশ

Monday 25 June 2012

দুর্ভাগিনীৰ শিৰত তেজস্বী সেন্দুৰ ... ( এটি সচা ঘটনাৰ আধাৰ লৈ )


কোলাৰ কেচুৱাতোৱে
হয়তো বুজিব পাৰিছে
মাতৃৰ বেদনা ,
সেই তিৰোতাজনীৰ
নয়ন অশ্রুসিক্ত নাছিল,
তাইৰ হিয়াই হাহাকাৰ কৰি উঠিছিল
কিন্তু সেই বাস্তৱৰ সমুখীন হবলৈ
তাই প্রস্তুত নাছিল ।
তাই কান্দি আছিল
কিন্তু উচুপি উচুপি
যাৰ কোনো প্রতিধ্বনি
প্রতফলিত হোৱা নাছিল ।

তাই প্রায় মৌন হৈ আছিল
অথচ কেচুৱাৰ কান্দোনো ভ্রুক্ষেপ কৰা নাছিল...


কোনোবাই বাতৰি দিলে
তাইৰ স্বামীৰ মৃতদেহ আহি পালেহি,
হঠাৎ তাই পলক জপালে
ঘুৰি চালে পদুলিমুখলৈ,
উফ কি যে অশান্তি...

বতাহে তাইক খবৰ দিলে
তাইৰ স্বামী হেনো এতিয়া স্বর্গগামী ...
চাৰিওফালে কান্দোনৰ সুৰ
কিন্তু তাই মানি লব পৰা নাই এই বাতৰি ...
শিৰৰ সেন্দুৰ মচি দিয়াত বাৰে বাৰে বাধা প্রদান কৰিছে।


দেশৰ কাৰণে আগুৱাই যোৱা
তাইৰ স্বামী
বুকুত কেইবাজাই গুলি নেওচি আজি আহি পালেহি
শেষবাৰৰ কাৰনে
তাইৰ সেন্দুৰকন কাঢ়ি নিবলৈ...

শিৰত সেন্দুৰ লৈ
আনন্দত আত্মহাৰা হৈ পৰা
সেই সেই তিৰোতাজনী
সচাকৈ বহুত দুর্ভগীয়া...




Bikash...
নিজৰ মাজত বিচাৰিছো
তাইৰ পৰিচয়...
এয়া জানো মুর্খামি নহয় ?
তাই জানো বিচাৰিছে
নিজৰ পৰিচয়
মোৰ অস্তিত্বৰ সীমা উলংঘা কৰি...

বিকাশ...

Sunday 24 June 2012

বোৱতী নদীখনক সুধিছো
প্রেম মানে নো কি?
ই এক সুখালাপ
নে ধুমুহাৰ শুভসংকেত...

খিৰিকীৰ ফাকেৰে
এজাক পবন ,
সপোনমগ্ন
প্রেমিকৰ জীৱনলৈ
ইমান সঘনাই আহে যে
চেচা বতাহৰ শিহৰণত
কঁপি উঠে
এবুকু প্রেমৰ যন্ত্রণা...

Monday 18 June 2012

শব্দ আৰু তেখেতৰ বন্ধুত্ব

শব্দৰ সৈতে

এক অটুট

বন্ধুত্ব আছে তেখেতৰ,

মকৰাই জাল বন্ধাৰ দৰে

এক অধ্যাৱসায়ী

ব্যক্তিত্বৰ মাজেৰে ,

শব্দৰ মায়াজাল গুঠে

তেওঁৰ কলমৰ চিয়াহীয়ে ।

শব্দৰ মাজত বিচাৰি পোৱা যায়

জনতাৰ হাহাকাৰ,

অতুলনীয় প্রকৃতিও

তেওঁৰ কলমত সেউজ হৈ উঠে,

হালি জালি থকা

ধাননি পথাৰখন পোহৰ কৰে

হেঙুলীয়া আভাই ,

সেই চিনাকি পোহৰৰ উৎস বিচাৰি

নিজেই বিলীন হৈ যায়

মেদিনীৰ ৰহস্যৰ মাজত...

===================

হীৰু দাৰ প্রতি শ্রদ্ধা জনাই তেখেতৰ আশু আৰোগ্য কামনা কৰিলো...

বিকাশ

Wednesday 13 June 2012

চিঠি আকাশলৈ বুলি ...

প্রিয় আকাশ
তোমালৈ বুলি চিঠিখন লিখিলো । তোমাৰ নিলবৰনীয়া কলিজাখনিত সেমেকি থকা মেঘৰ চপৰাবোৰ এতিয়া জীপাল হৈ পৰিছে । সিহতে অহৰহ চকুপানী টুকিছে । নাজানো কিহৰ বিৰহত সিহতে কান্দি উঠিছে হথাতে । বহু দিন হল তোমাৰ বুকুত জোনবাইৰ পোহৰৰ মেলা বহা নাই । শৈশৱত " জোনবাই এ বেজি এটি দিয়া "বুলি পদ্য মতা মনত আছে । মোৰ জানা তোমাৰ দেশলৈ যাবলৈ বৰ মন যায় । তোমাৰ সেই জোনবাইৰ কলিজাখনিত কলা দাগবোৰ কোনে সিচি দিছে বাৰু ?জোনবাইও কাৰোবাৰ প্রেমত পৰিছিল নেকি ? সাধুকথা বহুত শুনিলো কিন্তু সেই আকাশখনৰ কলা মেঘৰ চপৰাৰ আৰৰ জোনবাই দেশৰ প্রেমৰ কথা শুনিবলৈ মন গৈছে । জোনবাইৰ দুখ দেখি মই বিৰহত ভুগিছো । মোৰ প্রান আকুল হৈ পৰিছে নিয়ৰৰ টোপালবোৰৰ দুখ বেদনাবোৰ শুনিবলৈ...সেই টোপালবোৰ জোনবাইৰ প্রেমৰ সাক্ষী...

নিশাৰ আকাশৰ
তৰাবোৰ জিলমিল...
তাতেই জিলিকি আছে
এটি ভোটা তৰা...
সেই আকাশখনক সুধিব বিচাৰো
জোনৰ বতৰা ...
এটি দাগ
আছে সেই জোনৰ কলিজাত ।।

মোৰ কলিজাত
এনেকুৱা দাগ
সিচি আকৌ
তাই ঘুৰি আহিবনে
প্রেমৰ মধুৰ সুৰ শুনিবলৈ ?

ইতি
তোমাৰ দুর্ভগীয়া বন্ধু ...
বিকাশ

Saturday 2 June 2012

অনুৰোধ



==========
নিৰবতাৰে ভৰা
এই গধুলিপৰত
ৰহন সানিবলৈ নাহিবা,
কেতিয়াবা নিসংগতাও হৈ পৰে
উকা হিয়াৰ একমাত্র পৰিচয় !
নিসংগ পৰিবেশত
সংগ দিয়াৰ চলেৰে,
তুমি আনিব খোজা
ধুমুহাৰ সমুখীন হবলৈ
মই একেবাৰেই প্রস্তুত নহয়।
অনুগ্রহ কৰি তুমি নাহিবা।।
=============
বিকাশ