Saturday 22 March 2014

পদুলিমুখত ৰৈ যাবাহি এপাক
মোৰ কবিতাৰ চন্দ
তোষামোদ যেন লাগিব তোমাৰ ।

মই যে আলসুৱা
মোৰ মৰমবোৰ মিছা যেন লাগিব তোমাৰ ।

মোৰো যে জীয়াই থাকিবলৈ
এখন হৃদয় আছে ,
অহংকাৰৰ পথ মোকলাই
তুমি গুছি যাবা ,
বেকাৰ হৈ পৰিম প্ৰেমৰ চাকৰীত ।।

Monday 10 February 2014

বৈ আহিল
এটোপাল কেচা তেজ

চিয়াহী শুকাই গল
বুকুত এতিয়া কেকটাছৰ সুবাস ।।

কলা ডাৱৰৰ
বিষাক্ত বৰষুণ
এতিয়া যে মোৰ চকুত ফাগুনৰ কোলাহল ।।।

Monday 13 January 2014

তুমি
বৈ আছিলা বিষাদৰ নৈ হৈ

আজিও কঁপি উঠে জানা
পাহৰণিৰ গৰ্ভত হেৰাই যোৱা
ন আখৰৰ নিভাজ প্ৰেম ।।।


এখন্তেক হলেও ৰৈ চোৱা
সৌৱা
জোনাকৰ সুৰুয উদয় হৈছে ..

নবনীতাৰ চকুজুৰি নিলাভ নৈ খনৰ
উজ্বলি উঠা চুম্বনৰ একা-বেকা ৰাস্তা ,
তিনিআলি টোৰ যি হে নিচা
সোমাই গৈ থাকিলেও হুতাহ নপলায়
শূণ্যতাই আগছি ধৰিছে
তাইক হেৰুৱাৰ দিনৰে পৰা ।
বেদনাবোৰ ককালত খুচি লৈ
উটি ভাহি ফুৰিছো এৰাতিৰ তৰালিৰ আৰত ।
কবিৰ বেদনা
এজাক অশ্ৰুৰ বাদে একো নহয়
মাথো চিঞঁৰ বাখৰ মাতাল বতাহজাকৰ ।।।
ক্ৰমশ আতৰাই লৈ গৈছে
মোক মোৰ পৰা ...

কোনোবাক খুব মনত কৰিছো
হয়তো সাৰে আছে তাই নিতাল আশাত ।।।